المرجلة

المـرجــلة


هلـَت سحايب هلا بهزيمها المبرق

تروي لوديان جفت سال مسياله

الحمدلك يا إلهي كم لنا ترزق

كلـ(ن) على نعمتك يسعد بها حاله

للنفس غايات ما تبقى على مفرق

والآدم اللي جزيل العقل بأفعاله

وانته مخير وحاسب قبل لا ترهق

خطاك في درب تجهل ثقل أهواله

الوقت ماهو على ما تشتهي أطرق 

صار العنب حامضـ(ن) ساعات ماطاله 

يلي على ساس خاوي يجهل المنطق
يحلف يبرر وسيلة زيـَف اقواله

لا تحسب إنك تطال النجم يا أخرق

مصيره الكذب يذبل يرسى أذلاله

مايعلى راسك على حد القدم تدحق

يا مالك الذل وانته ع البشر عاله

والله إني لهذا الحال لك أشفق
من هو يسوق الضماير عكس منزاله

لي منبت العز عالي هامها مشرق

جود وكرامه وذا المنبر له رجاله

والحر صادق على كلماته مصدق

لو جبت من يبشعه ما تظهر الهاله

والمرجله جود صافي منبعه مورق

مايخفي نور المراجل عتمت أظلاله

هو هكذا الحال مابين البشر تفرق
أحد(ن) تسيـَد وآخر كبـر وخباله