يـتــيــمــة
هلا يامرحبا هاجس قوافي الشعر مني هل
طلب مني لكم هاجس هذي الفكره تبلورها
رسمت بهاجسي جملة قوافي حرفها معضل
عسى منهو لبيب الفكر للمعنى يفسرها
وهاجت بي قوافي الشعر لين الفكر مل ومل
فغمرة قولي المبهم عنا هاجس يبعثرها
هجعت لمفرشي بالي مع الاحلام كم ينهل
طرقت ابواب دنيا مقفله لاحلم حررها
تمازج روعة الاحلام بالتصوير للافضل
كأني عشت ذا الموقف وصرت آنا مسيرها
بداية حلمي الاول تكسر مبطل المقفل
امازحني فهالعثره واقول يارب يسرها
حلم آبوح لك سر(ن) عماه المبطن الاسفل
حشى ماني ذليل النفس لو وده يكسرها
هلكني سيف من زندي بقوه يبتر المفصل
طعني غدر والظالم يميني حامي اظهرها
عزيزه نفس ماهانت ولا من حاسديني ذل
لاجار الوقت تبقى في شموخ العز محورها
ابطٌل مقفلات الصعب والمبعد لنا يسهل
لنا رايات عز(ن) لا ولا الاقزام تنكرها
نخوض الصعب لا منه تعسر نارنا تشعل
وحنا للرخى ناس(ن) على الجودات منبرها
تراه الوقت والمقبل عليم الله ويش الحل
لاصارت بنتنا العذراء تكيده شر لمنحرها
تخاصم عمها والخال والوالد جليس الذل
يتيمه امها ماتت تبنت خال ينصرها
وهانت بعد ماكانت عزيزه تاجها مهمل
مع حالات نفسيه تساعد في تدهورها
الا منهو ركن كفه على الخدين يامخجل
ترفق حال من كانت لغيرك انس يبهرها
وختم القول والاحلام اصلي به على المرسل
صلاتي عد ماالبارق يشق الغيم يمطرها
ليست هناك تعليقات:
إرسال تعليق