البــصــمــة
جبرني الوقت اتحمل بجدي يحسبون امزح
واسمع صحها لسانك ومن اقرب محبيني
عجز فكري وضاع الحرف لك ياهاجسي وضح
هلابك هاجسي مرحب هلا يالي مساندني
تكيف جود باللحظه ومن بحر القصيد انضح
تفضل قول ماعندك قضايا بي وتعنيني
بدينا كمل المشوار في نفس الخطى نسبح
على انات ضيق (ن)عجًزت بشر(ن) يداويني
ترى مني الخطأ دايم حياتي عن ديار انزح
أطارد غيم يا علا بتروي يبس ما فيني
يوقت الصبر مايقوى لدينا همها جارح
وجودي بالحزن بصمه قلم ينقش دواويني
نقشته حرف من اعماق حزني عامدن اشرح
نثرته شاعر وكاتب وذا الاحساس سليني
هموم الكون في خافي جوارح جسد له مطرح
وصرت آنا عزيز الجرح يامكثر محازيني
وعاف السعد من دنيا تلاشى حظي المربح
بحر طامي وبره نار ماترحم وتكويني
لقلت الصبر ياصبري مزج فيني الم مبرح
مزج فيني اسى محبط ومن دنياي بعدني
اسامر جرحي النازف وحزني هام به صرّح
جروح الدهر في نفس(ن) غدت بالحال تبليني
شكيتك حال ياربي سقيم(ن) مابدا المفرح
اجاهد برد ايامي وحيد الحزن بعثرني
حياتي والزمن قاسي وصرنا للعنى مسرح
انا المخرج انا الكاتب وعثراتي عناويني
ليست هناك تعليقات:
إرسال تعليق